Полицијата упадна во париската концертна сала „Батакло“, каде десетици лица се заложници на засега непознат број терористи, јавуваат француските медиуми.
Според последните извештаи, двајца терористи се убиени откако киднаперите одбиле да преговараат со полицијата.
Засега не се знае точниот број заложници во концертната сала. Медиумите јавуваат различни бројки, од 60 до 100 лица.
ces pompiers se préparent à secourir des bléssés graves dans cet immeuble. #Bataclan pic.twitter.com/fkItaAFnFW
— Guillaume Auda (@GuillaumeAuda) November 13, 2015
Градоначалничката на Париз, Ен Идалго, која ги повика граѓаните да не ги напуштаат своите домови, пристигна во салата „Батакло“. Очевидец, кого медиумите го идентификуваат како Ана, вели дека слушнала пукање во салата, но оти првично мислела дека станува збор за петарди, а подоцна се слушнала силна експлозија. Концертната сала е последната од четирите локации што напаѓачите ги таргетирале во Париз. Француските власти не ја исклучуваат можноста за пораст на бројот на жртвите, кој според последните податоци се искачил на 100 загинати. Локалната телевизија БФМ јавува дека едно или две лица дошле во салата и почнале да пукаат во воздух.
#emergency units running to scene of #Bataclan theater in #Paris to take care of injured #ParisAttacks pic.twitter.com/HzoJrzvGMz — Caroline Connan (@CarolineConnan) November 13, 2015
Новинарот на „Европа 1“, кој за време на нападот бил во театрот, вели дека напаѓачите биле многу млади, не биле маскирани и носеле пушки „калашников“.
Според репортерот на „Си-Ен-Ен“, кој е на местото на заложничката драма, лицата што успеале да побегнат од салата кажуваат оти шест или осум напаѓачи има во објектот и оти веднаш почнале да ги убиваат присутните.
БФМ јавува дека три тешко вооружени лица ја нападнале полицијата пред концертната сала „Батакло“.
#Paris: “[The gunmen] just started spraying bullets. I saw a girl hit right in front of me.” https://t.co/VgoPdjKUiN pic.twitter.com/27D0VZkxxT
— The Telegraph (@Telegraph) November 13, 2015
