Парче пица за 120 денари: Дали студентските бифеа ја загубија својата цел?

Неколку студенти кои се обратија до редакцијата на Мета.мк велат дека цените на храната и пијалаците во факултетските бифеа не соодветствуваат со количината и квалитетот. Со цел да ги разгледаме овие тврдења, направивме обиколка на студентските бифеа на дел од факултетите на УКИМ

-

Дел од студентите во Скопје изразуваат незадоволство од цените во бифеата на факултетите, кои, според нив, се превисоки за студентскиот буџет.

Неколку студенти кои се обратија до редакцијата на Мета.мк велат дека цените на храната и пијалаците во факултетските бифеа не соодветствуваат со количината и квалитетот.

Со цел да ги разгледаме овие тврдења, направивме обиколка на студентските бифеа на дел од факултетите на Универзитетот „Св. Кирил и Методиј“ (УКИМ) во Скопје.

Според она што го утврдивме, со бифеата на Општествениот кампус на УКИМ управува еден оператор, односно иста компанија оперира со бифеата на Правниот, Економскиот, Филозофскиот и Филолошкиот факултет.

Цените „се јадат“, квалитетот потешко

Цените во сите бифеа на Општествениот кампус се исти, а изгледаат вака:

Слични цени имаше и во бифето на Техничкиот кампус, односно на Машинскиот и Факултетот за електротехника и информациски технологии (ФЕИТ). Со тамошното бифе управува друг оператор, различен од оној на Општествениот кампус.

Наведените цени во менито се следни:

Од друга страна, во мала барака пред Техничкиот кампус, забележавме пониски цени на производите:

Студентско бифе за професори

„Таму јадат професорите, студентите поретко“, беше коментарот на група студенти кои ги сретнавме на Техничкиот кампус и ги прашавме што мислат за цените во студентското бифе на Машински и ФЕИТ.

За многу студенти сумите на производите во бифеата се високи, особено ако се земе предвид дека просечниот студентски буџет е ограничен. Многу студенти зависат од финансиската поддршка од семејството или работат со скратено работно време, што дополнително ги ограничува нивните можности за трошење, велат тие во кратката анкета спроведена на Инстаграм страницата „Студентарија“.

Студентите добиваат и субвенции за оброк од државата, во износ од 140 денари дневно, односно 840 денари неделно (за шест дена во неделата).

Ова се само дел од коментарите на студентите на онлајн анкетата:

„Сметам дека цените се нереални за некои производи и често храната е тврда, не е тазе“, вели студент на Правниот факултет.

„Скапо е за квалитетот што се нуди“, е коментар на повеќемина студенти во однос на цените на храната во студентските бифеа.

„На Економски е прескапо сè и не се реални цените“

„Една обична мала вода е 40 денари, во автоматот е 25 денари“

„Кафе – 70/80 денари, парче пица тенко ладно е 120 денари, готвеното е околу 250 денари, тост мал никаков исто прескап. Цените како да се правени за професорите, не за студентите“

„Прескапо е! Бифе во факултет треба да е поевтино, а не едно сокче мало да биде 80 денари“

„Цените во бифето се превисоки за стандардот на студентите“

„Истата Цезар салата што беше 120 денари претходната година, сега е 180 денари“

„Сè остана исто количински, а цените скокнаа откако добиваме цел неделен оброк во понеделник“

„Таман се цените, ако плаќаат професорите“

„Не вреди за парите“

„Прескапи се, водата е 50 денари, а во продавница е 30. Сендвич е 120, а е мал и стоен. Има готвено јадење, 2 рибини прсти и една лаажица ориз ни наплаќаат 200 денари“.

 

(ГАЛЕРИЈА) Мета од Белград: Борбата на српските студенти и граѓани не стивнува

Повеќе од три месеци поминаа од трагедијата на железничката станица во Нови Сад, Србија, а граѓанските протести и студентските блокади со барања за утврдување одговорност за несреќата и спроведување на правата...

Театарската претстава за млади „Чудо“, ќе биде изведена во понеделник во „Јадро“

Новата театарска претстава за млади „Чудо“, со текст и режија на Хана Миленковска, како и младата актерската екипа: Мартина Даниловска, Наум Ѓорѓиески, Ангела Пејковска, Димитар Паскоски и оригинална музика на Ади...

Бројот на ковид случаи во јануари е за 3,3 пати поголем во споредба со декември

Во текот на 2025 година, а заклучно со 2 февруари, регистрирани се вкупно 20 заболени лица од ковид-19. Бројот на заболени лица во месец јануари е за 3,3 пати поголем во...

ССМ: Само Владата може да влијае на трговците да ги намалат цените

Нови повици за бојкот на маркетите се споделуваат деновиве на социјалните мрежи, откако минатата недела за прв пат се случи бојкот поради високите цени. Граѓаните се повикуваат да се воздржат од...

(ГАЛЕРИЈА) Мета од Белград: Борбата на српските студенти и граѓани не стивнува

Повеќе од три месеци поминаа од трагедијата на железничката станица во Нови Сад, Србија, а граѓанските протести и студентските блокади со барања за утврдување одговорност за несреќата и спроведување...