Папата Франциск денеска на Велигден излезе за да ги благослови илјадниците луѓе на плоштадот Свети Петар во Ватикан и да ги почести со неочекувана прошетка со својот папамобил низ плоштадот. Папата се уште закрепнува од долготрајната пневмонија, која повеќе месеци го оддалечи од секојдневните обврски.
„Браќа и сестри, среќен Велигден!, порача Франциск и повремено застануваше за да ги благослови бебињата, што е вообичаена сцена за неговите појавувања.
Папата не ја прослави Велигденската миса на плоштадот, делегирајќи му ја на кардиналот Анџело Комастри, пензионираниот протоереј на базиликата Свети Петар. Но, по завршувањето на мисата, тој се појави на балконот и го даде апостолскиот благослов на латински.
