Дванаесет лица загинаа, а 35 се повредени во експлозија на бомба пред владина институција во градот Мардан, на северозападот на Пакистан.
Полицискиот претставник Сеад Хан Вазир изјави дека нападот се случил пред регионалната канцеларија на Националната служба за база на податоци и за регистрација, која издава лични карти.
Полицијата и понатаму го истражува нападот, за кој сè уште никој нема преземено одговорност, но потсетува на нападите што ги вршат пакистанските талибанци.
