Се урна воен хеликоптер на Обединетите Арапски Емирати, при што загинаа пилотот и копилотот, соопштија официјални воени лица. Причината за падот и типот на хеликоптерот сè уште не се познати.

– Несреќата се случила за време на рутински лет над меѓународните води – се наведува во соопштението на војската на ОАЕ.

ОАЕ, една од најдобро воено опремени земји, е дел од меѓународната коалиција предводена од Саудиска Арабија која се бори против шиитските бунтовници и нивните сојузници во Јемен.

Властите во Абу Даби исто така се приклучени во меѓународната коалиција предводена од САД која се бори против Исламска држава во Сирија и во Ирак.