Бројни гости од Тирана, од јавниот и од културниот живот на Албанија, дипломати од повеќе земји од Германија, Јапонија, Велика Британија и Франција се пристуствуваа во Македонскиот културно-информативен центар во Тирана на отворањето на изложбата на Зоран Кардула, информираат од Македонскиот културно-информативен центар во Тирана.
„Делата на еден од најреномираните македонски современи уметници, графички дизајнер кој веќе 20 години ја привлекува јавноста со својата естетика и актуелност добија нова потврда на својата вредност, што се манифестираше со реакциите на публиката“, се наведува во соопштението за отворената изложба.
Специјалитетот, крушевски локум и атмосферата со DJ Узун Баба беа дел од автентичноста на вечерта, за што се погрижија директорот на Македонскиот КИЦ, Златко Ориѓански и уметникот Кардула.
Изложбата на графичкиот дизајнер Зоран Кардула во Тирана ќе биде отворена следните неколку месеци.