Вчера, околу 18 часот, на граничниот премин на скопскиот аеродром „Александар Велики“, бил приведен 36-годишниот Ш.Т., откако во неговите патни торби биле пронајдени пет куршуми од пиштол, соопшти полицијата.
Како што информираат оттаму, осомничениот патувал со австриски пасош, а куршумите за гасен пиштол биле откриени при рентген-контрола на неговите патни торби.
Тој бил приведен во просториите на граничниот премин, а во 19.40 часот бил предаден на полициски службеници од полициската станица Петровец за понатамошна постапка.