Вчеравечер, околу 19 часот, на регионалниот пат Богданци – Дојран, мешовита полициска патрола октрила два случаи на шверц на мигранти, информираат од Министерството за внатрешни работи (МВР).
Во првиот случај, според полициските информации, во возило, марка „фолксваген венто“, со штипски регистарски ознаки, управувано од 29-годишниот М.С. од селото Кучица, биле пронајдени шест илегални мигранти.
Мигрантите и возачот биле приведени во полициската станица за граничен надзор Богородица за понатамошна постапка.
Во другиот случај, полициската патрола запрела возило „форд“, исто така со штипски регистарски ознаки, во кое биле пронајдени уште шест илегални мигранти.
Мигрантите биле приведени, додека возачот на „фордот“ успеал да побегне.
