Најновите податоци од Институтот за јавно здравје за последните 24 часа говорат за 310 новооткриени случаи на ковид-19 во земјава. Тие се регистрирани од направени вкупно 2.609 тестови.
Речиси две третини од новиот случаи се од Скопје, односно 199 случаи, а втор град по бројност е Битола, со безмалку 11 пати помалку случаи, односно 19. Другите градови, односно Центри за јавно здравје регистрирале уште пониски бројки.
Во последните 24 часа, регистрирани сe 284 оздравени пациенти од: Скопје – 144, Прилеп – 18, Битола – 17, Кавадарци – 15, Охрид и Велес – по 10, Куманово и Ресен – по 9, Гевгелија и Радовиш – по 7, Струмица – 5, Штип ,Гостивар, Кичево, Валандово и Струга – по 4, Тетово и Виница – по 3, Кочани ,Неготино и Свети Николе – по 2, Крива Паланка – 1.
Во текот на изминатите 24 часа, регистрирано е 1 починато лице, од Скопје, на 77 годишна возраст. Дополнително, согласно Регистарот на умрени лица со дијагноза КОВИД-19 од Мој Термин, дополнително се пријавени 2 починати лица, од Богданци (87г) и Кочани (45г). Пријавените лица се починати во период од 17.03. до 19.03.2022 година. Од пријавените едно лице е починато во болнички услови и едно во домашни услови.
Од вкупниот број на починати, кај сите се регистрирани коморбидитети.
Досега во земјава се направени вкупно 1.941.593 тестирања за ковид-19, а вкупната бројка на откриени случаи од почетокот на епидемијата изнесува 303.728: Бројот на оздравени пациенти е 292.628, на починати е 9.187, а бројот на активни случаи изнесува 1.913.