Дванаесет илегални мигранти утрово биле откриени од полицијата на регионалниот пат Демир Капија – Неготино. Мигрантите, од кои 11 биле од Авганистан и еден од Пакистан, се превезувале со возило, марка „фолксваген пасат“, чиј возач успеал да ѝ побегне на полицијата.
„На регионалниот пат Демир Капија – Неготино, полициски службеници забележале патничко возило „фолксваген пасат“, кое во близина на село Тревник застанало и од него излегле 12 илегални мигранти, додека возачот се дал во бегство“, стои во информацијата за случајот на МВР.
Оттаму додаваат дека мигрантите биле сместени во Прифатниот центар за странци во Скопје, а се преземаат мерки за пронаоѓање на возачот.