Неодговорен поединец или група, деновиве откорнале една од влакнети палми што беа засадени пред неполн месец во Охрид.
Како што информираа од Јавното претпријатие „Охридски комуналец“, палмата е пронајдена фрлена во близина на скејт-паркот, покрај пешачката патека што води кон кафулето „Куба либре“ и кон хотелската зона „Горица“.
Во Охрид беа засадени 200 влакнести палми, набавени од Кина, кои беа посадени низ централното градско подрачје, по шеталиштето на градскиот кеј, како и покрај пешачката патека, каде дрвото е откорнато, во непосредна близина на Центарот за обука на вода на АРМ и Станицата на езерската полиција.
Секоја од засадените палми вреди 500 евра, а Јавното претпријатие „Македонски шуми“ набави околу 1.000.
