Ќ.А. (53) кој утринава го уби градоначалникот на Општина Боговиње, Хазби Идризи (58), почина во Клиничкиот центар во Скопје, велат за „Мета“ извори од болницата.
Тој беше пренесен на КАРИЛ, откако, по убиството на Идризи, на пат кон дома, си пукал во слепоочница и се обидел да се самоубие.
Неофицијано, Ќ.А. го убил Идризи бидејќи добил отказно решение, а убиството го извршил во кафуле спроти зградата на Општина Боговиње, каде што седел градоначалникот.
Инаку, на Хазби Идризи од ДУИ, ова му беше трет мандат како градоначалник на Општина Боговиње.
