Единствениот осуден во случајот „Пуч“, Ѕвонко Костовски, го напушта затворот „Идризово“ откако вчера од кабинетот на претседателот на државата, Ѓорге Иванов, до Основниот суд Скопје 1 стигнала одлуката за помилување, соопшти денеска судот.
Судијата за извршување санкции веднаш ја доставил одлуката до затворот за извршување, односно ослободување на Костовски.
„До Основниот суд Скопје 1, во текот на вчерашниот ден, од кабинетот на претседателот на Република Македонија беше доставена одлука за помилување на осудено лице, при што судија за извршиување санкции веднаш ја достави одлуката на наделжно постапување на затворската инсистуција, за целосно ослободување од понатамошно издржување на казна затвор на осудениот З.К., кој со предлог спогодба КОК ПП број 131/15 од 25 март 2015 година е осуден на единствена казна затвор во траење од три години за кривичните дела шпионажа од член 316, став 4 во врска со член 24 од Кривичниот закон и за неовластено прислушување од член 151, став 4 во врска со став 1, а во врска со член 45 од Кривичниот закон“, стои во соопштението на Основниот суд Скопје 1.
Вчера претседателот Иванов на прес-конференција изјави дека донел одлука за аболиција и за амнестија на сите политичари против кои се водат кривични постапки.
