Во ОУ „Григор Прличев“ во Охрид, во тек е хуманитарна акција за собирање помош за настраданите во поплавените подрачја во земјава.
– Одзивот беше навистина голем. Собраната храна, вода, средства за хигиена, облека и слично се презема од општинскиот Црвен крст. Со нашиот скромен придонес, барем малку да им помогнеме на оние на кои помошта во овие тешки денови им е неопходна. Ваквите акции ја зголемуваат свеста кај учениците и го поттикнуваат нивниот хуман развој. На овој начин се зголемува и бројот на волонтерите, во нив ја гледаме иднината – велат од Црвениот крст.