fbpx

Османи-Курти: Правата на заедниците се клучни за стабилноста во Косово и во регионот

Во фокусот на разговорите беа и младите, за кои Османи рече дека ќе бидат клучни во спроведувањето и одржувањето на регионалните приоритети на Претседателството на Северна Македонија со ОБСЕ

-

Заштитата на правата на сите заедници е од фундаментално значење за стабилноста во Косово и поширокиот регион, истакна Претседавачот со ОБСЕ и министер за надворешни работи, Бујар Османи, по денешната официјална средба со премиерот Албин Курти во Приштина.

Во фокусот на разговорите беа и младите, за кои Османи рече дека ќе бидат клучни во спроведувањето и одржувањето на регионалните приоритети на Претседателството на Северна Македонија со ОБСЕ, а кои се однесуваат на помирување и градење доверба, антикорупција и климатски промени.

Османи за време на средбата со косовскиот премиер ја потенцираше поддршката од страна на ОБСЕ во насока на креирањето и спроведување на реформите во Косово.

„ОБСЕ ќе продолжи да ги поддржува судските и изборните реформи на Косово, вклучително и измените на изборниот законик, а Косово треба целосно да ја искористи експертизата и ресурсите на Мисијата на ОБСЕ за да го унапреди спроведувањето на реформите, но и да ги зајакне меѓуетничките односи и безбедноста“, нагласи Османи.

Тема на разговор на денешната средба беше и заштитата на културното и верското наследство кое е клучно за почитување на правата на заедниците, како и поддршката на ОБСЕ за дијалогот предводен од ЕУ.

„Дијалогот предводен од ЕУ има вистински потенцијал да придонесе за безбедноста и стабилноста во регионот, но мора да се потпираме и на регионалните соработки кои се клучна алка во таа насока. Заштитата на правата на сите заедници е од фундаментално значење за стабилноста во Косово и поширокиот регион“, потенцираше Османи.

Претседавачот Османи заедно со Премиерот Курти, ја посетија и Академијата за јавна безбедност каде се сретнаа со полициските кадети од не мнозинските заедници.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...