fbpx

Орав твитна: Утре е последна шанса партиите да постигнат договор

-

Евроамбасадорот Аиво Орав, преку својот официјален твитер-профил, им порача на политичките партии дека утре заедно со европратениците Ричард Ховит, Иво Вајгл и Едвард Кукан треба да постигнат конечно решение за предвремените парламентарни избори.

„Амбасадорите на земјите-членки на ЕУ разговараа за ситуацијата. Партиите треба да најдат решение; утре е последна шанса со европратениците Вајгл, Ховит и Кукан“, твитна Орав.

Орав, инаку, последната недела е во Брисел и како што се дознава, во Скопје се враќа за две недели.

Европратениците Вајгл, Ховит и Кукан вечерва ќе допатуваат во Скопје и ќе се обидат да ги приближат ставовите меѓу владејачката партија и опозицијата за датумот на изборите.

Посетата доаѓа два дена откако ЕУ и САД оценија дека засега не се создадени услови за одржување избори на 24 април и по ставот на владејачката ВМРО-ДПМНЕ дека нема да учествува на преговори на кои ќе посредува белгискиот експерт Питер Ванхауте.

ВМРО-ДПМНЕ денеска излезе со став дека меѓународните претставници не понудиле цврсти докази дека нема услови за избори во април.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Еквалис: Омраза, смртни закани и повици за линч за летната школа за ЛГБТИ+ млади и сојузници

Со омраза, закани по живот, повици за линч и истерување од град се соочило Здружението за едукативен развој Еквалис по објавениот повик за учество на Летната школа за ЛГБТИ+...