fbpx

Општините ќе одредат кои маркети ќе доставуваат продукти во текот на полицискиот час

-

Во согласност со новите мерки, кои стапуваат на сила утре во 16 часот, Општинските кризни штабови ќе треба да определат маркети од каде ќе се обезбедуваат граѓаните за време на продолжениот полициски час, објасни Владата преку соопштение до медиумите.

Имено, според одлуката од 36-тата владина седница, од утре полицискиот час за сите граѓани во работните денови ќе почнува во 16 часот и ќе завршува во 5 часот, а во викендите ќе има целосна забрана, односно полициски час од 16 часот во петок до 5 часот во понеделник.

Во времето што не е опфатено од полицискиот час споменат погоре, лицата над 67 години ќе може да излегуваат од дома само од 10 до 12 часот, а младите до 18 години ќе може да излегуваат само од 13 до 15 часот.

Во периодот на полицискиот час, од маркетите определени од општините продукти ќе доставуваат маркетите или волонтери, а фирмите што веќе вршат достава на храна преку онлајн нарачки ќе доставуваат и во сабота и недела.

Со новите мерки, предвидено е домашните миленичиња да може да се шетаат најдалеку 100 метри од зградата, од 20 до 20.30 часот во работните денови, а во време на викендот од 8 до 8.30 часот, потоа од 15 до 15.30 часот, како и од 20 до 20.30 часот. Притоа, треба да го задржат минимум потребното растојание од останатите лица и да не се групираат.

Сите државни органи и институции и претпријатија, но и општинските власти, кои имаат вработени во Скопје што живеат во други градови и доаѓаат во главниот град на работа, ќе треба тие вработени да ги упатат на задолжително работење од дома. За останатите вработени, работното време ќе мора да се планира така сите тие да стасаат дома пред почетокот на забраната во 16 часот.

Од новите мерки се исклучени вработени во здравствените институции, полицијата, армијата, царината, како и земјоделците и сточарите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...