Агенцијата за слободен пристап до информациите од јавен карактер донесе одлука со која ја усвои жалбата на редакцијата на „Порталб.мк“ која во декември 2018, според Законот за слободен пристап до информациите од јавен карактер, побара информации во врска со работата, структурата и деталите на вработените во Општинскиот инспекторат.
И покрај ветувањата за транспарентност од страна на градоначалничката Теута Арифи, Општина Тетово дејствувала незаконски, бидејќи не ги доставила одговорите во врска со општинскиот инспекторат во бараната форма и начин.
„Агенцијата за заштита на правото за слободен пристап до информациите од јавен карактер, по разгледување на жалбата и другите дописи поврзани со предметот, заклучи дека имателот на информацијата (Општина Тетово) не постапил согласно законските одредби за слободен пристап до информациите побарани од барателот, според начинот и формата наведени во барањето”, се вели во одлуката на Агенцијата.
Агенцијата исто така ѝ укажува на Општина Тетово дека, во текот на втората постапка има обврска целосно да ги достави бараните информации и да постапи согласно со член 20, став (1) од Законот за слободен пристап до информациите од јавен карактер кој пропишува „ако имателот на информациите позитивно одговори кон барањето и доколку барањето е делумно или целосно е прифатена, за истата се донесува одлука“.
Редакцијата на „Порталб.мк“ побара од Општина Тетово да ги достави скедните информациите:
• Колку вработени има во Секторот за инспекција на Општинскиот инспескторат на општина Тетово?
• Колкав е бројот на вработени со позиција “инспектор” (со име, презиме и контакт телефон)?
• Другите вработени, покрај инспекторите, какви задачи вршат (работна позиција, број на вработени)?
• Со колку возила располага овој Сектор?
• Која е висината на платите на вработените и дали им се плаќа надомест за ангажман вон работното време?
• Какво работно време имаат инспекторите (во часови)?
• Дали има вработени кои постојано работат надвор од редовното работно време, односно дали има некој кој постојано е дежурен во ноќните часови?
Од одговорите, редакцијата на „Порталб.мк“ констатирала дека:
• Општината не ја прикажува висината на плати и надоместоци за инспекторите и другите вработени во тетовскиот инспекторат, кои се плаќаат од парите на граѓаните.
• Општината не ги открива имињата на општинските инспектори, не објавува податоци за контакт со истите.
• Општината исто така делумно одговорила за другите вработени лица во Инспекторатот покрај инспекторите, односно 19 референти или стручни административни службеници помошници, за тоа каква конкретна задача вршат.
• Општината исто така делумно и на нејасен начин одговорила во врска со тоа дали има вработено лице кој редовно работи после работното време, односно дали редовно дежура во текот на ноќните часови. Од општината велат дека дежурен вработен има по потреба, но не прецизираат како ја утврдуваат „потребата за дежурство“- имајќи предвид дека загадувачите ги горат забранетите предмети без определен распоред и со ваква активност не може да се предвиди дали инспекторатот има намера да биде ефикасен во работата што ја врши.
Од „Порталб.мк“, повторно ја потсетија Општината дека има законска обврска да ги достави целосно бараните податоци.
