fbpx

Опозицијата сè погласно зборува за бојкот, радикализација и за протести

-

Дали во наредниот период нè очекува радикализирање на отпорот и нов 17 мај ако владејачката коалиција, предводена од ВМРО-ДПМНЕ, остане на ставот предвремените парламентарни избори да се одржат на 24 април?

Ако се суди според изјавите на некои политичари, како Лилјана Поповска и Стево Пендаровски, но и по најавата на  75. невладини и граѓански организации – да!

Претставниците на граѓанскиот сектор му пишаа на еврокомесарот Јоханес Хан и на другите „странци“, дека без исполнување на условите за слобдни, фер и демократски избори, а за кои е нужно поместувањето на датумот, граѓанските активисти ќе немаат друга опција освен да повикаат на бојкот на изборите закажани за 24 април и на масовни протести против „режимот“.

– Во услови кога не се остварени основните реформски препораки и кога не се изведени пред лицето на правдата учесниците во изборен криминал, сметаме дека е скандалозно едностраното, самоволно и противуставно донесување одлука за одржување избори на 24 април 2016 година, од страна на Собранието на РМ, во отсуство на поголемиот дел од опозицијата. Не помалку скандалозно е и неосудувањето на ваквата еднострана одлука од Европската комисија – изјави денеска Билјана Бејкова од „НВО Инфоцентар“.

Излегувањето на масовни протести, неодамна мошне отворено го навестија и дел од партиите и од организациите што дејствуваат како опозиција, откако по посетата на Хан на земјава на 15 јануари, политичката состојба повторно стана драматична.

Претседателката на Демократска обнова на Македонија (ДОМ), Лилјана Поповска, на гостувањето во емисијата „Топ-тема“ на „Телма“, во петокот минатата недела, рече дека ќе се придружат на какви било протести организирани од опозицијата.

– Ние ќе се придружиме на какви било протести организирани од опозициони актери и ќе учествуваме во таа борба за да се избориме за датум што ќе овозможи создавање минимум нормални услови за избори, на кои опозицијата ќе оди – рече Поповска во „Топ-тема“.

Стево Пендаровски, кој беше активен во рамките на платформата „Граѓаните за Македонија“ и кандидат на СДСМ за последните претседателски избори, на симболичен начин, на својот твитер-профил, алудираше на нови протести.


„Изгледa декa нoвиoт 17 мaј дoaѓa! „Грaѓaните зa Мaкедoнијa“ вo коалицијa „Зa спaс нa Мaкедoнијa“, напиша на 19 јануари Пендаровски на „Твитер“.

Протестите што се одржаа на 17 мај минатата година, на булеварот Илинден пред зградата на Владата, беа кулминација на граѓанско-опозициската коалиција против власта во земјава.

По протестот истата вечер, на булеварот пред Владата беше поставен камп, кој беше демонтиран по точно три месеци, откако лидерите на четирите политички партии, со посредство на еврокомесарот Хан, постигнаа договор за излез од политичката криза во државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...