Опозицискиот СДСМ денеска, кога се навршуваат две години од смртта на новинарот и сопственик на „Фокус“, Никола Малденов, нема да одржи прес-конференција на која би биле објавени снимките, кои, како што претходно беше најавувано, содржат разговори околу трагичниот настан, потврди за „Мета“ портпаролот на СДСМ, Петре Шилегов.
– Денеска нема да има прес-кнференција во врска со темата за која прашувате. Ние повеќепати најавивме дека ќе ги објавиме материјалите што ги поседуваме за Младенов и тоа и ќе го направиме – вели Шилегов.
Лидерот на опозицијата, Зоран Заев, досега повеќепети, на прес-конферециите за „бомбите“, во интервјуа за домашни и за странски медиуми, најави дека ќе ги обелодени и снимките што се однесуваат на смртта на Никола Младенов, па се појави претпоставка дека тоа е можно да се случи токму денеска, кога навршуваат две години од неговото загинување.
