fbpx

Опозицијата и власта се скараа за носењето закони по скратена постапка

-

Власта и опозицијата денеска се скараа околу предложените закони што се разгледуваа на 116 – та седница на Собранието. Од ВМРО – ДПМНЕ обвинија дека владејачкото мнозинство ја злоупотребува процедурата „скратена постапка“, со цел да се избегнат дебатите за законските решенија коишто се носат. Пратеничката од ВМРО – ДПМНЕ, Лилјана Затуроска рече дека се заобиколуваат процедурите кои едно законско решение треба да ги помине.

– Денес, на 116 – та седница на Собранието како предлог на дневен ред од страна на Талат Џафери и парламентарното мнозинство од 24 точки, дури 13 се по скратена постапка – изјави пратеничката Затуроска.

Од пратеничката група на ВМРО – ДПМНЕ побараа да престане, како што велат, самоволието со злоупотребата на скратената постапка и да се дозволи да профункционира широката дебата за законските решенија.

Наспроти ваквиот став на опозицијата, од владејачката партија СДСМ ја обвинија опозицијата за неприсуство на пратениците од ВМРО – ДПМНЕ при гласањето на Законот за минимална плата и Законот за субвенционирање на придонесите.

Пратеникот Костадин Костадинов од СДСМ ја обвини опозицијата дека е против зголемувањето на минималната плата во земјава. Според него, ВМРО – ДПМНЕ работи против граѓаните, нуди обнова на режимот и осиромашување на граѓаните.

– Пратениците од ВМРО – ДПМНЕ дојдоа во Собрание, се пријавија како присутни, а потоа ја напуштија пленарната седница на која на дневен ред беа Законот за минимална плата и Законот за субвенционирање на придонесите – изјави пратеникот Костадинов.

Покрај законот за зголемување на минималната плата на 14.500 денари и законот за субвенционирање на придонесите од задолжителното социјално осигурување за компаниите што ќе ги зголемат платите до 6.000 денари, пратениците од Собранието по скратена постапка денеска ги разгледуваа измените и дополнувањата на Законот за градење, Законот за земјоделство и рурален развој, Законот за служба во АРМ, Законот за финансирање на единиците на локалната самоуправа, Законот за спорт, Законот за административни службеници, Законот за вработените во јавниот сектор и уште неколку други законски предлози.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...