fbpx

ОН: Дури 34 земји во светот немаат храна за своите жители

-

Агенцијата за храна и земјоделство при Обединетите нации (ФАО) соопшти дека 34 земји во светот, од кои 80 отсто се во Африка, немаат доволно храна за жителите поради воените судири, суши и поплави.

Според извештајот на оваа агенција, воените судири во Ирак, Сирија, Јемен, Сомалија и во Централноафриканската Република имале погубни последици по земјоделското производство, со што дополнително е влошена хуманитарната криза во тие земји.

Тие судири негативно влијаеле и на ситуацијата во соседните земји, каде што прибежиште нашле многу бегалци, исцрпувајќи ги нивните прехранбени можности.

Како причина за намалување на земјоделските приноси, се наведуваат сушите.

Според проценките на агенцијата, годинава приносот на житни култури во светот изнесува 723 милиони тони, што е за 10 милиони помалку од рекордниот принос во 2015 година.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...