fbpx

Оливера Наковска Бикова со златен медал се враќа од Светското првенство во стрелаштво

-

Оливера Наковска Бикова денеска го освои златниот медал на Светското првенство во стрелаштво во Ал Аин, Обединетите Арапски Емирати и титулата светски шампион во дисциплината П4-Пиштол слободен избор на 50 метри. Таа постигна огромен спортски успех за Македонија, а беше предводена од нејзиниот тренер Бранимир Јовановски и асистентот Драган Дојчиноски. Со овој резултат таа обезбеди и настап на Параолимписките игри (ПОИ) во Париз во 2024 година.

Во квалификациите, Оливера испука резултат од 538 круга којшто е најдобар во нејзината кариера, со што го освои второто место и обезбеди пласман во финалето. Во самото финале, Оливера по првите пет истрели се најде на второто место на табелата, а веќе по завршување на втората серија од пет истрели ја презеде лидерската позиција и успеа да ја одбрани до крај.

По веста за освојување на златниот медал, премиерот Димитар Ковачевски упати честитки до Наковска Бикова од Битола за титулата светски шампион.

„На Оливера и на сите параолимпијци им посакувам успеси и во иднина. Вие сте нашата гордост, пример како се бранат македонските бои и најголем промотор на Република Северна Македонија во светот“, истакна Ковачевски во честитката на социјалните медиуми.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...