Околу 3.000 земјоделци од Прилепско досега го пријавиле своето производство за добивање субвенции од државата за оваа година, соопштија од подрачната единица на Министерството за земјоделство, шумарство и водостопанство во Прилеп.
Рокот за пријавување за субвенции е продолжен до крајот на јуни.
Според Коста Дурланов, раководител на подрачната единица, останува да аплицираат уште околу 900 производители.
– До крајот на јуни, очекуваме уште околу 900 апликанти за субвенции за растително и за сточарско производство, со што бројката на пријавени за годинава ќе се доближи до 4.000 – вели Дурланов.
Во меѓувреме, до 15 јуни е рокот за пријавување за субвенции за млекото произведено од јануари до април оваа година, а своето производство досега го пријавиле околу 400 сточари.
Б.Б.