fbpx

Охридскиот совет решава за седумте бесправно изградени објекти во „Градиште“

-

Членовите на Советот на општина Охрид денеска на седница, меѓу другите точки на дневниот ред, треба да расправаат и за  легализација на седум бесправно изградени објекти во Авто кампот „Градиште“.

Од здружението на граѓани „Оревче“, побараа oтфрлање на предлог-одлуките за легализација на бесправно изградени објекти во авто кампот. Станува збор за околу стотина семејства од Пештани, инаку сопственици на 100.000 квадратни метри од кампот „Градиште“, кои со децении водат правна битка за враќање на нивните национализирани имоти.

Ѓоре Танески претседател на „Оревче“ вели дека со ставањето на оваа точка на дневен ред се прави обид да се искористи правниот вакуум за да извлечат полза сопствениците на нелегалните објекти.

-Не сакаме легализација на објектите. Законот е дециден. Со донесување на законот за денационалзиција во 2000 година во член 72 стои дека со имотот во постапка со денационализација не треба да се стопанисува и да не се преземаат активности. Тие немаат одобрение за градба и втор пат користат вакум да ги легализираат – порачува Танески.

Од Министерството за финансии предлагаат обештетување на наследниците на имотите во автокампот Градиште по 275 денари за квадратен метар за атрактивно земјиште, кое е проценето дека има вредност од 12.000 денари по квадратен метар.

Од „Оревче“ се децидни дека нема да дозволат некој да им го одземе имотот кој еднаш веќе им бил одземен на нивните предци. Најавија дека ќе присуствуваатна денешната седница на Советот на општина Охрид.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...