Засега нема епидемија на сезонски грип во Охрид, информираат од Центар за јавно здравје. Во текот на изминатата седмица во Охрид биле евидентирани само 10 пациенти заболени од грип.
– И во текот на целата зимска сезона, неделно беа евидентирани од три до пет заболени од сезонскиот грип. Во споредба со изминатата година, оваа зима бројот на заболени е енормно помал – вели доктор Јованка Коровешоска-Стурлакова, специјалист епидемиолог.
Таа додава дека, сепак, се очекува бројот на заболени од ова вирусно заболување да порасне со почетокот на второто полугодие во училиштата.
– Секоја година грипот зема замав кон крајот на јануари и на почетокот од февруари. Затоа и овојпат очекуваме дека ќе имаме повеќе заболени, но никако не станува збор за епидемија – вели Коровешоска – Стурлакова.