„АстраЗенека“, која е партнер во истражувањето на вакцината против ковид-19 на Универзитетот Оксфорд, објави дека оваа вакцина создава имунолошки одговор и кај млади и кај стари лица, а несаканите реакции се помали кај постарите.
„Охрабрувачки е што имунолошките одговори се слични и кај постарите и кај помладите лица. Несаканите реакции се помали кај постарите, кај кои постои поголема опасност од појава на сериозен облик на ковид-19. Овие резултати даваат дополнителен доказ за безбедноста и ефективноста на вакцината АЗД1222“, соопшти „АстраЗенека“.
Оваа вакцина би можела да биде достапна за користење во првата половина на 2021 година.