Маскиран разбојник, вооружен со автоматска пушка, утрово ограбил бензинска пумпа на „Макпетрол“ во скопската населба Чаир, соопшти полицијата.

Разбојништвото се случило околу 4 часот, на бензинската станица на „Макпетрол“ на улицата Кемал Сејфула. Вооружениот и маскиран разбојник со закана, од двајцата вработени одзел околу 168.000 денари, а потоа побегнал.

Полициски екипи извршиле увид и, како што информираат, работат на расчстување на случајот.