Денешното судско рочиште за предметот „Титаник 3“ беше одложено, бидејќи едниот од обвинетите во овој процес на СЈО, Ејуп Аљими, известил дека не може да биде на рочиштето бидејќи мора да учествува во денешната седница на Собранието, на која треба да се ратификува спогодбата со Грција.

Наредното судско рочиште е закажано за 28 јуни, за кога е планирано да се слушнат изјавите на сведоците во случајот.

Во случајот Титаник 3 обвинети се Аљими и Исмет Гури, кои се товарат за уништување изборен материјал како членови на Општинската изборна комисија во Чаир на локалните избори во 2013 година, со што влијаеле на изборниот резултат. Тие претходно се изјаснија како невини.