Судењето против лидерот на СДСМ, Зоран Заев, за случајот „Поткуп“, кое денеска требаше да почне во Основниот суд Скопје 1, е одложено. Рочиштето, како што пренесува „Телма“, е одложено бидејќи во судницата Заев не се појави – бил на службено потување.
Заев, како градоначалник на Струмица, е обвинет дека побарал поткуп од 163.924 евра од струмички бизнисмен за легализација на државно земјиште.
Според адвокатот на одбраната, Филип Медарски, поткупот не е примен, а одземањето на корисничкото право на користењето на градежното изградено земјиште не било дејство за кое е надлежен градоначалникот, туку тоа е во надлежност на Министерството за финансии, односно на Управата за имотно-правни работи.
