fbpx

#Одговорност е улици и патишта без дупки

-

Дупки на улиците има толку многу што возачите и граѓаните почнаа да ги користат и социјалните мрежи за да искомуницираат, да се информираат и да се предупредат меѓусебно за некоја нова или некоја стара, ама особено длабока дупка.

Колку и да внимаваме, последниве години веќе сè е залудно – улиците во Скопје се кратер до кратер! Избегнуваш една дупка, завршуваш во друга. Градежната експанзија ги урнисува и колку-толку добрите коловози. Одвреме-навреме се прикрпува нешто, ама тоа е залудно – за кратко време станува полошо. Најлошо е кога ќе заврне и ударните дупки ќе се наполнат со вода, па не се познаваат.

Како што пишуваа медиумите, од Јавното претпријатие „Улици и патишта“, кое е задолжено за одржување на скопските улици, тврдат дека имаат граѓански тужби за надомест на штета за оштетени возила. 

Сè повеќе тужби има и против општините.

Надлежен за главните градски сообраќајници во Скопје е градоначалникот на градот, а за споредните улици – градоначалниците на скопските општини. Општините низ Македонија исто така се надлежни за улиците во своите општини, освен за регионалните патишта и за автопатиштата за кои надлежна е државата.

Сите тие последниве години повеќе внимание посветуваат на „шминкање“, подигнување споменици и на садење сезонско цвеќе, отколку на темелна реконструкција.

Надвор од градските улици полни со дупки, возачите во Македонија говорат дека во моментов единствена „нормална“ релација е автопатот Скопје – Тетово – Скопје, а сите други се ризични и бараат особена внимателност, поради дотрајаноста или поради лошата изведба.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...