fbpx

Одбројувањето не го премислува Уставниот суд за СЈО

-

Уставните судии речиси со сигурност на утрешната седница нема да ја разгледуваат иницијативата за уставноста на законот за Специјално јавно обвинителство, што е едно од клучните барања на граѓаните, организирани околу граѓанската иницијатива „Протестирам“ и „Шарената револуција“.

Од Уставниот суд за „Мета“ велат дека нема да има промена на дневниот ред на седницата закажана за утре, во 9 часот, објавен минатата недела.

– Нема да има промена на дневниот ред. Иницијативата за која прашувате, како и сите други иницијативи, е распределена за работа кај судија известител и ќе бидете известени кога ќе биде ставена на дневен ред – ни рече генералната секретарка на Уставниот суд, Оливера Филиповска.

Во меѓувреме, демонстрантите на „Шарената револуција“, преку герила-акции одбројуваат до сабота, 18 јуни, до кога е рокот за исполнување на двете нивни клучни барања, односно Уставниот суд да се произнесе за уставноста на законот за СЈО, да запре прогонот на демонстратните и да бидат повлечени сите пријави против лица што протестираат.

Тие порачаа дека доколку нивните барања не бидат исполнети до овој датум, „граѓаните ќе ја земат правдата во свои раце и на свој начин“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...