Адвокатот Душко Јанковиќ, кој му е бранител на началникот во МВР за специјални операции, Душко Лазаров, осомничен за насилствата во Собранието од 27 април, денеска пред судот изјави дека поднеле жалба на одлуката за притвор што вчера му ја одреди судот на барање на Основното јавно обвинителство за организиран криминал и за корупција.

Јанковиќ рече дека не се задоволни од одлуката и дека во постапувањето на судот има двојни аршини.

– Сите лица се осомничени за истото дело, тероризам, меѓутоа и овојпат се виде дека при одлучување за мерките за обезбедување присуство судот има двојни аршини бидејќи на едни им е одредена мерка притвор, а на други куќен притвор иако се осомничени за истото дело – рече Јанковиќ.