Полициски службеник вчера, околу пладне, бил удрен од автомобил додека го регулирал сообраќајот на раскрсницата од улиците Маршал Тито и Видое Смилевски-Бато, во Тетово.
Според полицијата, сообраќајниот полицаец бил удрен од автомобил, што го управувал А.Б. (31) од селото Нераште, кој одбил да застане на неговата наредба.
Полицаецот веднаш бил пренесен во Клиничката болница во Тетово, за укажување лекарска помош, а возачот бил приведен и, како што велат од полицијата, по целосното расчистување на случајот против него ќе биде поднесена соодветна пријава.