fbpx

Одбележан Денот на победата над фашизмот и Денот на Европа

Делегација на македонската влада, во чијшто состав се вицепремиерот за европски прашања Бојан Маричиќ, министерката за култура Бисера Костадиновска Стојчевска и министерот за образование Јетон Шаќири положија цвеќе и оддадоа почит пред спомениците на партизанските гробишта во Бутел

-

Со бројни активности, во Македонија денеска се одбележа 9.Мај – Денот на победата над фашизмот и Денот на Европа. На Партизанските гробишта во Бутел се одржа централната манифестација, каде што државна делегација и организации положија цвеќе и оддадоа почит на загинатите кои ги положиле своите животи за пораз на фашизмот.

На настанот, организиран со високи државни почести, во чест на загинатите борци во НОБ, положија цвеќе и оддадоа почит и делегација на Сојуз на борците од НОАВМ, делегација на Собранието на Република Северна Македонија, претставник на Кабинетот на претседателот на Република Северна Македонија, делегација на Армијата и Министерството за одбрана на Република Северна Македонија, како и делегација на Град Скопје, делегација на дипломатскиот кор, и претставници на политички партии.

Делегација на македонската влада, во чијшто состав се вицепремиерот за европски прашања Бојан Маричиќ, министерката за култура Бисера Костадиновска Стојчевска и министерот за образование Јетон Шаќири положија цвеќе и оддадоа почит пред спомениците на партизанските гробишта во Бутел.

Вицепремиерот Бојан Маричиќ по повод 9-ти Мај порача дека европските држави на 9-ти мај 1950 година го направија невозможното и дека „ние до 9 Мај 2030 година можеме да го направиме возможното, а тоа е нашето членство во Европската Унија“.

„Ние денес се бориме за истите вредности и цели за кои Германија и Франција направија историски исчекори после Втората светска војна. Тоа е обединувањето. Економската соработка. Да бидеш свој на своето, а во исто време да припаѓаш во нешто многу поголемо. Да се движиш слободно, да работиш слободно. Да придонесуваш и да добиваш“, изјави Маричиќ.

Маричиќ укажа дека на сите им е јасно „дека најтешките одлуки се зад нас“ и дека уставните измени не се ништо друго освен влог кој носи гаранција за придобивките, а не ни одзема ништо.

„ЕУ за нас вреди многу. И токму таа ЕУ секојдневно е со нас – ни го потврдува јазикот, ни помага во неговата промоција, потпишува договори со нас на македонски јазик. ЕУ не е Унија која менува идентитети, напротив, во нашиот случај ЕУ ни го потврдува нашиот македонски идентитет, онаков каков што ние си го претставуваме и вреднуваме“, изјави вицепремиерот Бојан Маричиќ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...