fbpx

Од утре во Охрид рампи за влез во стариот дел на градот, дозволено движење само со картички

-

Од утре, 1 јули, за жителите и за туристите кои престојуваат во Охрид, ќе бидат ставени во функција рампите за влез и излез на возилата во стариот дел на градот. Моторните возила ќе можат непречено да сообраќаат, само ако поседуваат картичка за движење во овој дел од градот, информираат од Општина Охрид. Функционирањето на рампите ќе биде регулирано со 24 часовно физичко обезбедување и под постојан видео надзор.

За такси компаниите кои вршат превоз, нема да бидат издавани посебни картички и такси возилата ќе бидат пропуштани во стариот дел на градот, исклучиво само од влезот кај Горна Порта.

„Постоечките картички за кои не е извршена навремена пререгистрација во согласност со повикот на општината, кој беше објавен на 20 мај 2021 година, ќе бидат поништени и неважечки. Сите правни лица кои сообраќаат во стариот дел на градот, дека дотурот на стока ќе може да се врши само преку влезот кај Горна Порта, во утринските часови, во периодот од 05:00 до 10:00 часот“, соопштија од Општина Охрид.

Што се однесува до сопствениците на сместувачките капацитети, според соопштението на Општината, нивните гости ќе може да влезат со своите возила во стариот дел на градот, само за да извршат истовар на патници и на багаж.

„Доколку возилата бидат непрописно паркирани, ќе бидат отстранети со асистенција на пајак службата“, информираат од оваа општина.

Потсетуваат дека оваа мерка е дел од утврдениот режим на сообраќај за старото градско подрачје и Правилникот за издавање на картички за движење на моторни возила.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...