Според вчерашната одлука Регулаторната комисија за енергетика и водни услуги на Република Северна Македонија (РКЕВУ), од полноќ дизелот е поскап за 4 денари, екстра-лесното масло за домаќинства за 2,5 денари, мазутот за 1,238 денари. Бензините остануваат на последната утврдена цена.
Причина за поскапувањето е порастот на цените на светските берзи на деривати, како и падот на денарот во однос на американскиот долар, велат од РКЕВУ.
Новите цени на дериватите од полноќ се:
ЕУРОСУПЕР БС – 95 – 79 денари/литар
ЕУРОСУПЕР БС – 98 – 81 денари/литар
ЕУРОДИЗЕЛ БС (Д-Е V) – 81 денари/литар
Екстра-лесно масло за домаќинства – 78 денари/литар
Мазут М-1 НС – 53,592 денари/килограм
Според Регулаторна, и со новата цена, дизелот кај нас е најевтин во целиот регион.
Еуродизел (ЕУР) / Eurodizel (EUR) | |
Северна Македонија | 1,31 |
Косово | 1,53 |
Србија | 1,52 |
Бугарија | 1,46 |
Хрватска | 1,58 |
Босна и Херцеговина | 1,39 |
Грција | 1,99 |
Црна Гора | 1,82 |
Извор: РКЕВУ