Малопродажната цена на бензинот Еуросупер БС-95 од ноќеска се зголемува за половина денар за литар, додека цените на Еуросупер БС-98 и на Екстра лесното масло за домаќинство (ЕЛ-1) се зголемуваат за еден денар за литар, соопшти Регулаторната комисија за енергетика и водни услуги (РКЕВУ).
Од полноќ, литар Еуросупер БС-95 ќе чини 88,5 денари за литар, Еуросупер БС-98 ќе се продава по цена од 91 денар за литар, додека екстра лесното масло ќе чини 86,5 денари за литар.
Цената на Еуродизел (Д-Е V) не се менува, односно дизел горивото и понатаму ќе се продава по цена од 90 денари за литар.
Од РКЕВУ соопштија дека курсот на денарот во однос на доларот во изминатиот период по кој беа формирани цените со претходната пресметка е понизок за 0,418 отсто.