Од ноќеска на полноќ се намалуваат малопродажните цени на нафтените деривати, во просек за 1,41 отсто во однос на одлуката од 19 октомври, одлучи Регулаторната комисија за енергетика и водни услуги (РКЕВУ).
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1 денар за литар и од ноќеска ќе изнесуваат 88 денари за литар ЕУРОСУПЕР БС-95 и 90,5 денари по литар за ЕУРОСУПЕР БС-98.
Дизелот поевтинува за 2,5 денари за литар, па литар ЕУРОДИЗЕЛ од ноќеска на полноќ ќе чини 100,5 денари.
Малопродажната цена на Екстра лесното масло за домаќинство се намалува за 1,5 денари за литар и ќе изнесува 97 денари за литар, додека килограм мазут ќе се продава за 49,483 денари.
Од РКЕВУ информираат дека курсот на денарот во однос на доларот во изминатиот период, по кој беа формирани цените со претходната пресметка, е понизок за 0,574 отсто.
