fbpx

Од ноќеска поевтинуваат сите горива во земјава

-

Нафтените деривати од ноќеска на полноќ ќе се продаваат по пониски цени, откако Регулаторната комисија за енергетика и водни услуги (РКЕВУ) донесе одлука со која се врши намалување на малопродажните цени на горивата, во просек, за 2,80 отсто во однос на последната одлука од 5 август.

Најголемо намалување има кај бензинот Еуросупер БС-95 и Екстра лесното масло за домаќинство (ЕЛ-1), чии цени ќе паднат за 3,5 денари за литар. Така, од ноќеска, литар Еуросупер БС-95 ќе се продава по цена од 90 денари за литар, додека Екстра лесното масло ќе чини 87,5 денари за литар.

Малопродажната цена на Еуродизел (Д-Е V) се намалува за 3 денари, при што литар Еуродизел од утре ќе чини 90 денари за литар. Малопродажната цена на Еуросупер БС-98 се намалува за 2 денари и овој бензин ќе се продава по цена од 92 денари за литар.

Цената на мазутот М-1 НС се намалува за 0,557 денари и сега ќе изнесува 52,786 денари за килограм.

Како што соопштија од РКЕВУ, курсот на денарот во однос на доларот во изминатиот период по кој беа формирани цените со претходната пресметка е понизок за 0,117 отсто.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...