Малопродажната цена на ЕУРОДИЗЕЛ (Д-Е V) од ноќеска на полноќ се зголемува за 2 ипол денари за литар и ќе изнесува 80,5 денари за литар, соопшти Регулаторната комисија за енергетика и водни услуги (РКЕВУ).
Покрај дизелот, поскапување има и кај Екстра-лесното масло за домаќинство и тоа за три денари, па од вечерва ќе се продава по цена од 78,5 денари за литар.
Истовремено, цените на бензините ЕУРОСУПЕР БС-95 и ЕУРОСУПЕР БС-98, како и на мазутот, не се менуваат. ЕУРОСУПЕР БС-95 и понатаму ќе чини 76 денари за литар, додека цената на 98-ката останува 78,5 денари за литар.
Мазутот продолжува да се продава по цена од 39,37 денари за килограм.
Курсот на денарот во однос на доларот во изминатиот период по кој беа формирани цените со претходната пресметка е понисок за 0,282 отсто, објаснуваат од РКЕВУ.