fbpx

Од ноќеска бензините поскапуваат за половина денар, дизелот за денар

-

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 1,15 отсто. Малопродажните цени на бензините Еуросупер БС-95 и Еуросупер БС-98 од ноќеска се зголемуваат за половина денар за литар, додека малопродажните цени на Еуродизел (Д-Е V) и на Екстра лесното масло за домаќинство (ЕЛ-1) се зголемуваат за 1 денар за литар.

Еуросупер БС-95 од ноќеска ќе се продава за 68,50 денари за литар, додека Еуросупер БС-98 на бензинските станици ќе може да се продава за 70,50 денари за литар. Цената на дизел горивото ќе изнесува 61,50 денари за литар, додека Екстра-лесното масло за домаќинства ќе се продава 61 денари за литар.

Малопродажната цена на Мазутот М-1 НС се зголемува за 0,348 денари за килограм и сега ќе изнесува 35,237 денари за килограм.

Во изминатиот седумдневен период сите референтни цени на светските берзи во просек бележат зголемување: бензинот за 1,377 отсто, дизелот за 2,116 отсто, екстра лесното масло за 2,606 отсто и кај мазутот зголемувањето е за 1,029 отсто.

Во истиот период курсот на денарот во однос на доларот е повисок за 0,265 отсто, информираат од Регулаторната комисија за енергетика.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...