Непозната сторител синоќа провалил во куќа во Куманово и украл куфер во кој имало разновиден накит и девизи. Вкупната вредност на пленот, според полицијата, била проценета на околу 25.000 евра.

Кражбата, како што информираат од МВР, се случила во периодот меѓу 20.30 и 22.18 часот, во куќата на А.А. на улицата Поток Серава, во Куманово.

Крадецот се прекачил на терасата од катот на куќата, а потоа насилно го отворил прозорецот од спалната соба и влегол внатре. По пребарувањето, тој одзел куфер за накит во кој имало обетки, бисери, белегзии, прстени, часовник, сребрен накит, синџирчиња, во вредност од околу 18.500 евра и 6.500 евра во разни апоени.

Полицијата презема мерки за пронаоѓање на сторителот.