fbpx

Од денеска на шест пункта во Скопје се тестира со брзи тестови

-

Во Поликлиника Ѓорче Петров, Поликлиника Чаир, Поликлиника Ченто, Поликлиника Бит Пазар, Поликлиника Јане Сандански и Поликлиника Млин Балкан од денеска се врши тестирање со брзи тестови за детектирање на вирусот ковид-19, но не и на антителата. Резултатите од брзиот тест се добиваат за 10 до 15 минути, соопшти Министерството за здравство.

„Брзите тестови ги закажува матичниот лекар според претходно определен алгоритам, а еден од критериумите е симптомите на ковид-19 да не траат подолго од пет дена од почетокот до тестирањето. Алгоритамот за тестирање е направен според препораките на СЗО, а матичниот лекар според земената анамнеза прави проценка дали на пациентот ќе му се земе брис за ПЦР-тест или за антигенски брз тест. Термините за тестирање со брзи тестови ќе одат преку „Мој термин““ појаснуваат од ресорното министерство.

Оттаму информираат дека во случај кога брзиот тест е негативен, а симптомите на пациентот сугерираат на ковид-19, тогаш матичниот лекар може да процени да направи дополнително и ПЦР-тест.

Брзите тестови се со цел да го зголемат капацитетот за тестирање на ковид-19 кои ќе придонесат за навремено регистрирање на позитивните случаи и нивно навремено третирање и изолирање од околината.

Во текот на последното деноноќие беа регистрирани 978 нови случаи на ковид-19 од направени направени 2.667 тестирања.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...