fbpx

Од 1 јули можно е враќање на евтината струја од 14 до 16 часот, најавува Бектеши

Евтината дневна тарифа за граѓаните беше укината на 1 јануари 2022 година

-

Министерот за економија Крешник Бектеши денеска најави можно враќање на евтината дневна тарифа на струјата од 1 јули. Тој рече дека се разговара со Регулаторната комисија за енергетика за ова прашање, поаѓајќи од фактот дека државата ќе има вишок на електрична енергија што ќе ја произведе од мај до октомври годинава.

„Заедно со Регулаторната комисија за енергетика работиме во насока да се врати евтината дневна тарифа за електрична енергија од 1 јули годинава, имајќи го предвид зголеменото производство на електрична енергија од обновливи извори на енергија каде пиковите главно се преку ден“, изјави министерот Бектеши.

Инаку, евтината дневна тарифа за граѓаните беше укината на 1 јануари 2022 година, кога имаше и поголемо зголемување на цената на електричната енергија за 9,48 отсто. Пред нејзиното укинување, граѓаните можеа да користат евтина струја секој ден во периодот помеѓу 14 и 16 часот. Во моментов, евтина струја за граѓаните има само во текот на ноќта – од 22 до 7 часот секој ден, како и цел ден во недела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...