Основното јавно обвинителство Скопје поднело жалба на пресудата со која Џемаил Браими и неговата невенчана сопруга Јасмина Махмуд во март оваа година, беа осудени на затворска казна од 20 години за убиство со умисла на тригодишното девојче во Скопје, сметајќи дека „изречената казна е недоволна за вакво кривично дело“, соопштуваат од Јавното обвинителство.

„Обвинитетите во март минатата година брутално, на смрт претепаа тригодишно девојче за кое тврдеа дека паднало по скали. Но, доказите во истражната постапка и извештајот од обдукцијата потврдија дека станува збор за убиство во кое двајцата обвинети се соизвршители, односно учествувале заедно во делото и се обиделе да го прикријат.
Обвинителството, незадоволно од пресудата, поднесе жалба, сметајќи дека изречената казна е недоволна за вакво кривично дело, дотолку повеќе што во случајот доминираат отежнителните околности, бидејќи се посегнува по живот на тригодишно девојче, како и отсуството на покајување на обвинетите во текот на процесот“, стои во соопштението на Обвинителството.

Според надлежниот јавен обвинител, случајот, согледан во целина со сите околности кон него, треба да биде преиспитан од повисок суд.