fbpx

Обвинети во „Диво Насеље“: Трагедијата во Куманово има архитект

-

Трагедијата што се случи во Куманово на 9 мај минатата година има архитект и сето тоа е направено за пари, изјави на денешното рочиште за „Диво Насеље“, обвинетиот Деме Шеху, дополнувајќи ги воведните зборови на својот адвокат. Тој додаде дека тие во населбата биле шест дена и за тоа време, како што рече, ниту Албанци, ниту Македонци не се пожалиле дека предизвикале чувство на несигурност.

Обвинетиот Амди Красничи, исто така, како дополнување на воведниот говор на својот адвокат, рече дека обвинението е смешно.

– Ниту јас, ниту Сами Укшини (првообвинет.н.з.) не сме организатори на групата, како што сака да нè направи обвинението. Од помагачите, гарантирам со живот дека не познавам никого, а во куќите во Диво Насеље влеговме насила – рече Красничи.

Со денешното рочиште, судскиот процес за настаните од 9 и од 10 мај почна од почеток, бидејќи Обвинителството на почетокот на мај годинава со овој предмет го спои и случајот „Молња“, со кој осум лица се обвинети за давање логистичка поддршка на кумановската група.

На денешното рочиште сите обвинети повторно се изјаснија како невини за делата што им се ставаат на товар.

Обвинителот, Наум Пановски, рече дека останува на воведните зборови дадени претходно и дополни дека доказите од прислушуваните разговори добиени со посебни истражни мерки и другите истражни дејства на обвинителството ќе докажат дека обвинетите се познавале меѓу себе и континуирано контактирале.

На ова реагираа дел до адвокатите на обвинетите, кои во своите воведни зборови посочија дека обвинителниот акт е паушален и не ги докажува делата за кои се товарат обвинетите.

– Само во Македонија, а не знам на кој правна основа, е дозволено органот кој тужи и врши одредени дејства, да изврши вештачње на доказите што сам ги набавил. Прислушуваните разговори не можат да ме убедат дека е водена предистражна постапка во согласност со законот. Тие докази треба да бидат верифицирани од независен орган, кој е надлежен за вештачење и кој може да каже дека овие прислушувани разговори се водени помеѓу обвинетите, како и тоа кој разговор е оргинален, а кој пренесен – рече адвокатот Шазифер Исени.

Рочиштето сè уште трае и по воведните говори на адвокатите, пред судот искази треба да дадат повикани сведоци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...