fbpx

ОБСЕ: И Груевски и Заев да ги удвојат напорите за траен компромис

-

Сите изгубија вчера: партиите, народот во Македонија како и меѓународната заедница која се грижи за идината на вашата земја, се вели во одговорот на амбасадорот на САД во ОБСЕ, Даниел Баер, во обраќањето до министерот за надворешни работи, Никола Попоски.

„Длабоко жалиме што и покрај напорите на комсарот Хан, клучните актери не дојдоа до заедничка позиција за деталите како да продолжат понатаму до предвремените избори и до решавање на сегашната криза. Ги повикуваме партиите да ги удвојат своите напори и итно да постигнат трајни, компромисни решенија, засновани на она за кое се договорија во Скопје на 2 јуни.

Напредокот е од витално значење во неколку клучни области, кои вклучуваат рамка за спроведување избори, борба против корупцијата, зајакнување на независноста на судството и на обвинителството и продолжување на конструктивни и сеопфатни парламентарни расправи.

Во објавените прислушувани разговори има значителни наводи за злоупотреба и за корупција, кои мора да се решат преку независна, транспарентна и непристрасна истрага.

Слободата на медиумите е, исто така, од клучно значење за да се осигура дека по наводите во прислушувањето се постапува соодветно.

Иако голем број медиуми ја пренесоа суштината на случајот со прислушувањето, ова не ја елиминира потребата од истакнување сериозна загриженост за насилство и за заплашување на новинари и на медиуми, како и за несоодветното влијание на владините реклами врз медиумите и за други проблеми.

Иако владата не може да ја носи целата вина за сегашната криза, таа има одредена одговорност врз основа на својот статус на моќ. Како таква, владата треба да почне да прави напредок во однос на суштинските реформи без разлика на статусот што го имаат преговорите со лидерите на опозицијата. Го повикуваме премиерот Груевски да почне да работи на тоа сега. Во исто време, го повикуваме господин Заев од Социјалдемократскиот сојуз на Македонија да му се врати на конструктивниот ангажман.

Политичките лидери на Македонија, на луѓето на кои им служат, им должат да работат заедно за да се стави крај на оваа криза“, се вели во обраќањето.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...