Во Македонија времето денеска ќе биде претежно облачно, со услови за краткотраен дожд. Преку денот облачноста делумно и краткотрајно ќе се намали, но во вечерните часови од запад повторно ќе се зголемува, а во западните делови ќе има врнежи од дожд.
Температурата ќе се движи од 5 до 14 Целзиусови степени.
Во Скопје времето преку денот ќе биде умерено облачно, во ноќните часови со врнежи од дожд. Температурата ќе се искачи најмногу до 7 Целзиусови степени.
Под влијание на потопол влажен бран, утре и в среда ќе биде облачно со врнежи претежно од дожд. Во западните делови се очекуваат обилни врнежи, локално над 40 л/м2.
Од четврток се очекува стабилизација на временската состојба.
Инаку, во текот на вчерашниот ден и ноќеска, најмногу снег наврна во Маврови Анови и Лазарополе. Според Управата за хидрометеоролошки работи (УХМР), во Маврoви Анови има снежна покривка од 25 сантиметри, а во Лaзарополе 18 сантиметри. Снег има и во Крушево, Попова Шапка (17 сантиметри), Тополчани, Претор, Битола, Берово…
Најмногу дожд наврна во Битола, Гевгелија, Претор и Демир Капија.
