Министерството за образование и наука (МОН) информираше дека се објавени резултатите од конкурсите за стипендии за ученици од средните училишта за учебната 2022-2023 година. Резултатите се достапни на интернет-страницата на МОН која веднаш по објавата стана недостапна, исто како и резултатите.
Како што информираше МОН, средношколците што се стекнаа со право на користење на стипендија треба да испечатат и пополнат три примероци од договорот кој е различен за секоја категорија на стипендија. Трите примероци задено со копија од лична трансакциска сметка од 2 до 16 јануари 2023 година треба да се достават до МОН, директно до писарницата или по пошта – препорачана пратка со повратница на адреса бул. „Св. Кирил и Методиј“ бр.54, 1000 Скопје.
Резултати:
Стипендии за социјална поддршка на ученици
Стипендии за ученици – деца без родители
Стипендии за ученици со посебни потреби
Стипендии за талентирани ученици – природни и технички науки
Стипендии за талентирани ученици – спортисти
Стипендии за талентирани ученици – уметници
Стипендии за ученици запишани во дуални паралелки
Стипендии за ученици запишани во тригодишно стручно образование
Стипендии за ученици од градежно – геодетска струка
Стипендии за ученици од машинска струка
Стипендии за ученици од текстилно – кожарска струка
Стипендии за ученици од угостителско – туристичка струка
Стипендии за ученици од земјоделско – ветеринарна струка
Стипендии за ученици од електротехничка струка
Одбиените кандидати ќе имаат можност за приговор од денот на добивање на решението од МОН во кое ќе биде наведена причината поради која апликацијата не е прифатена. Решенијата за прифатените и одбиените во моментов се изработуваат и ќе бидат испорачани следниве денови.
За какви било информации и поддршка студентите можат да се обратат до вработените во Секторот за ученички и студентски стандард на контактите достапни на овој линк, додека прашања може да се поставуваат и на електронската адреса [email protected].
